Jat hơ̆, ƀák sĩ gam sơnam lơh broă bơh 10 nam rlau hơđang mờ hơ lơh broă tơl 5 nam sùm rơ̆p geh dong kờl dùl dơ̆ mờ ală khà: 500 tơlak đông gơwèt mờ tiến sĩ, 400 tơlak đong gơwèt mờ ƀák sĩ mìng gah kấp II, 300 tơlak đong mờ thạc sĩ halà mìng gah kấp I; 150 tơlak đong gơwèt mờ ƀák sĩ jơh bơsram Đại họk ngan ngồn.

Gơwèt mờ broă lơh bơto bơtê, ƀák sĩ gam lơh broă tàm ală tiah tơnơ̆ tŭ lơh sir khoă bơsram rơ̆p geh dong kờl: 500 tơlak đong gơwèt mờ bơsram tiến sĩ, 350 tơlak đong gơwèt mờ ƀák sĩ mìng gah II, 150 tơlak đong gơwèt mờ thạc sĩ halà mìng gah kấp I. Bơta là pal pơn jat tai lơh broă tàm mpồl lơh broă ết ngan rlau jơh 2 dơ̆ tơngai bơto bơtê dê.