Tàm nhai dong kờl cau nam 2024, lam lơh uă bơh ngai 08 tus ngai 19/5, ală kâp Mpồl càr Gia Lai lơh ngan hòi jà tă pơgồp geh 6 tơmàn 500 tơlak đông, dong kờl ai 30 rbô hìu bơnhă geh rài kis kal ke in mờ uă broă lơh dong kờl bè lam lơh kham, sơm kòp dong kờl cau, pơlam sền gàr pràn kơldang să jan, pà sơnơm ờ sa priă. Pà rlau 7 rbô bơnah phan, lam lơh mblàng yal, hòi jà lam lơh ngai chờ ai is mhàm mờ ai geh 1 rbô 300 kơldung mhàm. Mpồl Cữ thập đỏ càr Gia Lai pà git, ală broă lơh dong kờl cau nam do ờ mìng dong kờl ală cau geh rài kis kal ke tàm càr Gia Lai mờ gam lơh gơ rề làm uă bơh broă lơh “Tơlak cơnđuà jơng kờñ gơboh bal kòn bơnus” bơh Mpồl Cữ thập đỏ dà lơgar lam lơh.