Đơs tàm dơ̆ bơyai lơh, Củ tịc lơgar ai lơh chờ hờp ngan tềng đap ală cồng nha bơh càr Hậu Giang dê tơnơ̆ 20 nam crơng gơs bơh nam 2004 tus tŭ do mờ sùm sền gròi tus lơngăp lơngai rài kis mpồl bơtiàn, sền gròi tus cau rƀah, cau geh màng mờ dà lơgar, hìu bơnhă kal ke. 

Kơnờm bơh hơ̆, bơh khà hìu bơnhă rƀah 30% tàm nam 2004 den tus tŭ do neh gơmù uă ngan; mờ kung neh hòi jà geh priă jền tă pơgồp uă ngan nàng lơh git nđờ jơt rbô nơm hìu nùs nhơm, hìu kờñ gơboh bal, hìu Tam klac dờng. Bơta do tă pơgồp tàm broă lam lơh jơnau kờñ niam bơnĕ ngan, dờng màng ngan là tơn jơh hìu sèt, hìu nhat, hìu ing ai làng bol in. Củ tịc lơgar đơs nền, cồng nha pal pơn iờ să ngan hơ̆ geh bơta tă pơgồp kuơmàng ngan bơh Mặt trận dà lơgar, ală mpồl lơh broă cíñ trị mpồl bơtiàn, ală mpồl lơh sa kă bro mờ cau geh nùs nhơm niam dê.