Đơs tàm Kông ty JA Solar Việt Nam, Củ tịc Quôk hội Vương Đình Huệ đơs nền, Quôk hội mờ Cíñ phủ lơgar Việt Nam hơ sùm lơh tam gơl niam wơl tiah bơcri priă, lơh sa kă bro ai ală mpồl lơh sa kă bro gơ wèt jơh ală bơnah lơh sa in, tàm hơ̆ geh ală cau bơcri priă lơgar ndai in, lơh sir gùng dà broă lơh, adat boh lam.

Củ tịc Quôk hội kơ̆p kờñ Kông ty JA Solar Việt Nam lam lài tàm broă lơh gơs ală mpồl lơh broă; lơh bal mờ ală mpồl lơh sa kă bro bơh lơgar Việt Nam dê nàng lơh gơlik ală phan bơna lơh sa mờ măy mok dong kờl ala, lơh geh ală anih lơh gơlik phan. Di tàm dơ̆ do, Củ tịc Quôk hội Vương Đình Huệ bal mờ ală kwang bàng tàm mpồl lơh broă jàu pà phan ai cau lơh phan tàm Kông ty JA Solar in; jàu pà phan ai ală hìu bơnhă geh rài kis kal ke, hìu bơnhă cíñ săc bơh Ủy ƀan Mặt trận dà lơgar Việt Nam kơnhoàl Việt Yên.