Dăk Lăk: jàu 100 bơnah phan sa tềp ai cau rƀah kal ke in
Thứ bảy, 09:42, 27/01/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Tàm tơngume broă lơh “Sa tềp kờñ gơ boh” nam 2024, Mpồl Cữ thập đỏ càr Dăk Lăk neh pơgồp bal mờ ală cau dong kờl jàu pà phan sa tềp ai ală hìu bơnhă geh rài kis kal ke tàm xã Cuôr Đăng, kơnhoàl Cư M’gar in.
Mpồl bơyai lơh neh jàu pà 100 bơnah phan pà mờ priă măt, tơl bơnah phan kờp priă 500 rơbô đong ai hìu bơnhă rƀah, hìu bơnhă ndrờm bè rƀah, hìu bơnhă geh dà kơl hề mờ Dà lơgar, hìu bơnhă geh rài kis kal ke uă tàm xã Cuôr Đăng, kơnhoàl Cư M’gar in.
Kờp tus tơngai tŭ do, broă lơh “Sa tềp kờñ gơboh” nam 2024 bơh Mpồl Cữ thập đỏ càr Dăk Lăk bơyai lơh neh jàu rlau 25 rơbô 300 bơnah phan pà sa tềp mờ kờp jơh khà priă rlau 9 tơmàn đong ai cau lơh broă geh rài kis kal ke tàm ù tiah càr Dăk Lăk in.
Viết bình luận