Nàng gàr niam làng bol lơi kung geh sa tềp, dơ̆ sa tềp bơhiàn yau Dà lơgar dê  nam Giáp Thìn 2024 do, càr Kon Tum neh lơh nền tă kes priă rlau 8 tơmàn đong dong kờl mờr 16 rơbô 800 hìu bơnhă gơwèt hìu bơnhă rƀah mờ hìu bơnhă ndrờm bè rƀah. Jat hơ̆ khà dong kờl ai tơl hìu bơnhă rƀah in là 600 rơbô đong mờ hìu bơnhă ndrờm bè rƀah là 300 rơbô đong.

Bơdìh hơ̆ Liên đoàn Lao động càr Kon Tum kung jàu 2 rơbô 700 bơnah phan pà, tơl bơnah phan kờp priă 500 rơbô đong ai đoàn viên, cau lơh broă geh rài kis kal ke. Bal mờ hơ̆, tàm ală ngai do tàm càr Kon Tum, uă broă lơh sền gròi sa tềp ai làng bol in, ngan là tàm tiah sar lơgar ngài, tiah nhàr lơgar kung gam geh ală kấp geh gơnoar, mpồl cau, anih lơh broă, mpồl lơh broă jơh nùs lam lơh jat.