Kơnhoàl Cư Kuiñ, càr Dăk Lăk: 3 tơmàn 750 tơlak đong pà phan ai cau geh dà kơl hề mờ Dà lơgar, hìu bơnhă kal ke in
Thứ bảy, 10:03, 03/02/2024
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Jơnau yal bơh kơnhoàl Cư Kuiñ, càr Dăk Lăk, tơngai sa tềp Dà lơgar Giáp Thìn 2024 do, mờr 9 rơbô nă cau geh dà kơl hề mờ Dà lơgar, hìu bơnhă kal ke tàm kơnhoàl geh dờp phan pà sa tềp, kờp jơh priă jền jàu pà là 3 tơmàn 750 tơlak đong.
Ngan là, geh 3 rơbô 596 dơ̆ cau geh màng mờ Dà lơgar, cau dờng sơnam gam dờp geh bơta dong kờl mpồl bơtiàn, cau kuĕt kơlte, kơnòm dềt ờ geh priă ròng siam, cau jơngo mat, geh dờp phan pà sa tềp nam 2024, tơl bơnah phan pà kờp priă 500 rơbô đong. Bơdìh hơ̆, tàm kơnhoàl kung geh 5 rơbô 366 nă cau là hìu bơnhă rƀah, hìu bơnhă ndrờm bè rƀah geh dờp phan pà sa di dơ̆ Nam pa Giáp Thìn 2024, tơl bơnah phan pà jàu pà ai hìu bơnhă rƀah in là 1 tơlak đong.
Ồng Võ Tấn Huy, Củ tịc Ủy ƀan Ñân zân kơnhoàl Cư Kuiñ yal, pah dơ̆ sa tềp tus, nam pa rê, Ủy ƀan Ñân zân kơnhoàl sùm ai lài sền gròi dong kờl rài kis ai ală cau geh dà kơl hề mờ Dà lơgar, cau dong kờl sền gàr mpồl bơtiàn, ală hìu bơnhă rƀah, hìu bơnhă ndrờm bè rƀah in.
Viết bình luận