Ồng Phan Đình Trạc neh jàu pà rlau 300 bơnah phan sa tềp ai uă mpồl, hìu bơnhă geh sră dong kờl bơh dà lơgar, hìu bơnhă rƀah, cau lơh phan, cau lơh broă geh rài kis kal ke tàm càr Cà Mau in; mờ kung pà 500 tơlak đông ai “Kes priă tài cau rƀah” bơh càr dê in. Tàm dơ̆ pà phan, ồng Phan Đình Trạc pà git, tơngai lài, Đảng mờ Dà lơgar neh sùm sền gròi lam lơh uă broă lơh tơrmù rƀah kơ̆ kơljap nàng kờñ tơnguh rlau tai rài kis phan bơna, nùs nhơm bơh làng bol, cau lơh broă dê in kung bè geh uă broă lơh kah ưn ngài, gròi sền ai ală hìu bơnhă geh sră dong kờl bơh dà lơgar, cau geh màng mờ dà lơgar in. Bơta do nàng kờñ đòm jat bơhiàn Hùc dà kah tô dà, ai tơnggŏ bơta sền gròi bơh Đảng, Dà lơgar dê gơ wèt mờ cau geh màng mờ dà lơgar, hìu bơnhă rƀah, cau geh rài kis kal ke.