Tus bal dơ̆ lam lơh geh rlau 500 nă cau ala mat ală Ƀộ, gah broă lơh dà lơgar, anih lơh broă; ala mat 2, 3 càr, ƀòn dờng, Tập đoàn, cau lơh broă, cau bơsram dờng hìu bơsram bơto broă lơh. Nhai lơh broă bè Lơngăp lơngai kloh niam lơh broă nam do rơp geh lơh bơh ngai 01/5 tus ngai 31/5 tàm gùt lơgar mờ tơngume: “Sơlơ gàr niam lơngăp lơngai kloh niam lơh broă tàm anih lơh broă mờ tàm ròt ală mpồl lơh gơlik phan” mờ Nhai cau lơh phan nam 2024 geh tơngume “Tam klac bal cau lơh phan – Lam lơh jat Nghị quyết”.

Đơs tàm dơ̆ lam lơh, ồng Nguyễn Đình Khang, Củ tịc Tổng Liên đoàn Lao động Việt Nam đơs nền, bơtàu tơnguh lơh sa kơ̆ kơljap pal gơ jat bal mờ gàr tơl nă cau geh lơh broă tàm ală bơta lơngăp lơngai, kloh niam lơh broă, geh sền gròi bè rài kis phan bơna, nùs nhơm, là tơl khà bal tàm bơtàu tơnguh kơ̆ kơljap mờ mut gơ rờm bal dunia.