Mờ tơngume “ Gùng lòt dong kờl kòn bơnus- jàu bơta kờñ gơboh” nhai dong kờl kòn bơnus geh bơyai lơh tàm nhai 4 do, tàm 3 càr Thái Nguyên, Sơn La mờ Điện Biên.Ală broă lơh ngan ngồn, bè: chu ñàng kah kơlôi ală cau ling khin cha jak chài, cau ling chơ̆t màng tàm ală tiah tềl lời wơl kah yau kăc màng; pà mhàm dong kờl is; bơto pơlam, kham kòp, pà sơnơm ờ sa priă ai rlau 7 rơbô dơ̆ làng bol geh rài kis kal ke; jàu broă dong kờl drơng rài kis ai 70 hìu bơnhă rƀah càr Điện Biên in; Drà dong kờl kòn bơnus pà sră blơi phan ai 700 nă cau rƀah, cau geh rài kis kal ke.

Mò Bùi Thị Hòa, Củ tịc Mpồl Cữ thập đỏ lơgar Việt Nam pà gĭt, nhai dong kờl kòn bơnus nam do Mpồl pơnđơl pràn lơh ngan hòi jà tă pơgồp bal priă jền lơh geh 400 tơmàn đong nàng lam lơh ală broă lơh tàm Nhai dong kờl kòn bơnus.