Broă lơh “Nam pa sền gàr tiah nhàr dà lơgar – ram nùs làng bol ƀòn lơgar” geh mpồl ling sền gàr tiah nhàr dà lơgar càr Gia Lai lam lơh dơ̆ dùl dơ̆ tàm ală xã tiah nhàr dà lơgar ală kơnhoàl Ia Grai, Đức Cơ, Chư Prông, bơh càr Gia Lai dê. Tàm tơl broă lơh, ală cau ling sền gàr tiah nhàr dà lơgar bal mờ làng bol tàm ƀòn lơgar klơm mbar lơm pòng, dròng cing jañ mồng, tìp mat đơs crih tamya nàng sơlơ tơrbŏ tai nùs nhơm tam klac bal ling klàng làng bol.

Bal mờ hơ̆, ală cau geh nùs nhơm niam bơyai lơh ală anih tac phan 0 đông, jàu pà làng bol in git nđờ rhiang bơnah phan là ồi tơ̆, kơmùng bic, phe mờ sră măi, sră cih, phan ngui bơsram ai kơnòm bơsram in. Bulah ờ uă bè phan bơna, mơya do ndrờm là ală phan ngui sa pal geh nàng làng bol in geh wă rò sa tềp ram mhŭ rlau.