Mpồl lơh broă Ƀộ Tư lệñ Tiah 3 ling dà lềng còp, gờm chờ sa tềp tàm kơnhoàl bồt Lý Sơn
Thứ năm, 08:51, 25/01/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim ngai 24/01, Mpồl lơh broă Ƀộ Tư lệñ Tiah 3 ling dà lềng bơh Chuẩn Đô đốc Nguyễn Đăng Tiến, Ƀí thư Đảng ủy- Cíñ ủy Tiah 3 ling dà lềng lơh kwang atbồ mpồl bal mờ ala mat ală anih lơh broă, mpồl lơh broă, ală tiah, mpồl lơh sa kă bro tus còp, pà phan, nting bơr gờm chờ sa tềp ai kwang bàng, cau ling mờ làng bol gam lơh broă, ơm kis tàm kơnhoàl bồt Lý Sơn, càr Quảng Ngãi di dơ̆ nam pa Giáp Thìn 2024.
Ala mat Đảng ủy, Ƀộ Tư lệñ Tiah 3 ling dà lềng mờ Mpồl lơh broă Chuẩn Đô đốc Nguyễn Đăng Tiến pơyoa jơnau lùp còp, gờm chờ kwang bàng, cau ling mờ làng bol kơnhoàl ƀồt Lý Sơn wă rò sa tềp Dà lơgar chờ hờp, pràn kơl dang, ram mhŭ.
Cíñ ủy Tiah 3 ling dà lềng cih dờp mờ dong kờl bơh kwang bàng, đảng viên mờ làng bol kơnhoàl bồt dê gơwèt mờ kwang bàng, cau ling Trạm radar 550 gơwèt Trung đoàn 351, Ƀộ Tư lệñ tiah 3 ling dà lềng đơs is mờ mpồl ling phàu crong đơs bal tàm broă gàr niam lơngăp lơngai, rơndăp tăp sèng, sền gàr bồt bơh Dà lơgar dê.
Viết bình luận