Jàu 500 bơnah phan pà ală hìu bơnhă cíñ săc, cau geh màng mờ dà lơgar, hìu bơnhă rƀah, đoàn viên kông đoàn tàm ù tiah ƀòn dờng Hải Phòng in, Phó Thủ tướng Cíñ phủ Trần Lưu Quang jờng rơ ngan cồng nha bơtàu tơnguh lơh sa- mpồl bơtiàn ƀòn dờng dê lơh geh tàm tơngai lài. Kwơmàng, Hải Phòng là tiah geh uă cồng nha pơnrơ ngan tàm broă sền gròi dong kờl ai ală hìu bơnhă cíñ săc, hìu bơnhă geh màng mờ kăc màng, hìu rƀah mờ đoàn viên kông đoàn geh rài kis kal ke in.

Di tàm dơ̆ do, Ală mpồl ala măt cau lơh broă ƀòn dờng Hải Phòng bơyai lơh broă lơh “Sa tềp bơtòm tơrgùm mat bal- Sơnam pa tam pà” pà phan ai cau lơh phan cau lơh broă ƀòn dờng in di dơ̆ sa tềp bơhiàn yau dà lơgar dê nam Giáp Thìn 2024. Rlau 350 rbô nă đoàn viên, cau lơh broă tàm ƀòn dờng Hải Phòng rơ̆p geh dờp phan pà bơh ală kâp kông đoàn ƀòn dờng dê tàm dơ̆ do.