Jat jơnau yal bơh Ƀộ Y tế dê, khà kờp làng bol nam 2023 bơh lơgar Việt Nam dê pơgap 100 tơlak 300 rơbô nă, khà gơguh khà kờp làng bol 8,84%. Khà cau mờ bơta uă khà kờp làng bol gam tàm sơnam lơh broă geh mờr 70% khà kờp làng bol, tàm tơngai rơndăp tăp sèng khà kờp làng bol kwơ màng. Mơya, khà kờp làng bol dờng kung lơh kơn jơ̆ ngan gơwèt mờ phan bơna bơt bơtàu lơh sa, bơta chài măi mok, mpồl bơtiàn, tiah ơm kis, tiah drà, ƀòn lơgar. Việt Nam là lơgar geh khà kờp làng bol kra mhar (kờp dŭ mut tàm tơngai khà kờp làng bol kra tàm nam 2038) rơ̆p gơrềng uă ngan tus uă gah bơh rài kis mpồl bơtiàn bè ală bơta sền gròi pràn kơl dang să jan, gàr niam rài kis mpồl bơtiàn, broă lơh.

Đơs pơndŭt pơrjum, Phó Thủ tướng ồng Trần Hồng Hà sồr lơh pràn mblàng yal, lơh nền bơta gĭt wă di pal, di ngan, tơl làm ală bơta, bơta kwơ màng bơh broă lơh khà kờp làng bol mờ bơtàu tơnguh; mhar lơh, lơh sir tơngume adat boh lam ai gah khà kờp làng bol mờ bơtàu tơnguh; lùp lăp gùng dà broă lơh mpồl kwang bàng tàm gah khà kờp làng bol dồ ròt bal, ring bal, gơ jat bal mờ broă lơh ai priă jền, mpồl kwang bàng lơh broă; bơt bơtàu ală jơnau, phan ngui lơh broă tơrgùm wơl, tơrgùm kờp ală broă jàu bè khà kờp làng bol.