Di Satềp nam do, ƀòn dờng Cần Thơ neh sền gròi, drơng gàr nền nòn, geh uă broă lơh mùl màl, geh kwơ ai ală hìu nhă geh sră dong kờl bơh dà lơgar, kông ñân lơh broă, hìu rơƀah, cau geh rài kis gơtìp kal ke (tus ngai lồi nhai 1 nam 2024, ƀòn dờng Cần Thơ neh jào pà 73 rơbô 902 pò phan mờ kờp jơh priă rơlao 74 tơmàn đong).

Tàm tơngai tus, Thủ tướng kơ̆p kờñ ƀòn dờng Cần Thơ pơn jăt tai sền gròi broă lơh rài kis lơh broă sa mpồl bơtiàn; kơ̆p kờñ ƀòn dờng Cần Thơ neh lơh niam bloh, lơh niam rơlao tai; Nam pa tus, Satềp bañ ai cau lơi ờ geh satềp, ờ lời cau lơi gơtìp sơbì is hờ tơnơ̆. Tàm dơ̆ do Thủ tướng mờ kwang đơng lam ală anih lơh broă ƀộ, gah lơh broă dà lơgar neh jào pà 200 pò phan tus ală hìu nhă geh sră dong kờl bơh dà lơgar, hìu rơƀah, hìu nhă geh rài kis gơtìp kal ke; 400 pò phan pà ală hìu kông ñân, cau lơh broă; 50 pò phan pà cau dờng sơnam ờ geh cau ròng siam, kơnòm dềt kòn đời geh rài kis gơtìp kal ke in.