Tàm dơ̆ pơrjum, kwang đơng lam bồ uă càr, ƀòn dờng hơ pơrgon ai 100% priă bơcri dà lơgar ală broă lơh jơnau kờñ dà lơgar tàm nam do. Jat mpồl đơng lam broă lơh, Cíñ phủ neh jàu rlau 49 rbô 500 tơmàn đông priă bơcri kes priă dà lơgar nam 2023 ai ală ƀộ, anih lơh broă dà lơgar mờ kâp hơ đơm in lam lơh ală broă lơh jơnau kờñ dà lơgar. Gơ wèt mờ broă rơndap lơh nam do, Thủ tướng neh jàu rlau 47 rbô 600 tơmàn đông priă bơcri kes priă dà lơgar nam 2024 ai ală ƀộ, anih lơh broă dà lơgar mờ kâp hơ đơm in lam lơh ală broă lơh jơnau kờñ dà lơgar. Kung tàm dơ̆ pơrjum, kwang đơng lam bồ uă càr, ƀòn dờng bè Lào Cai, Sơn La, Nghệ An, Thừa Thiên – Huế, Quảng Nam,.. ndrờm hơ pơrgon lam lơh 3 broă lơh di broă rơndap lơh geh 100% priă bơcri dà lơgar.