Củ tịc lơgar ai lơh chờ hờp ngan tềng đap bơta geh mat bơh ală cau chài dê mờ đơs nền Đảng, Dà lơgar sùm sền gròi, lơh gơlik bơta niam nàng prap gàr mờ bơtàu tơnguh ƀòn lơh broă. Củ tịc lơgar đơs nền bơta kuơmàng bơh broă chồl pràn bơto broă lơh, mblàng wơl bơta kờñ gơboh sơn đờm mut lơh broă ai cau lơh broă kơnòm să ƀòn lơgar in mờ kung sền gròi tus rài kis phan bơna, nùs nhơm ai làng bol ƀòn lơh broă in.

Củ tịc lơgar sồr tơnguh gơnoar broă bơh ală mpồl broă lơh, gah lơh phan dê tàm broă lơh bal, bơt bơtàu ròt mpồl lơh phan kơ̆ kơljap jŏ jòng sùm. Ală ƀộ, gah broă lơh, anih lơh broă geh gơ rềng geh sồr pal sơlơ chồl pràn kơlôi sơnơng, lơh sir gùng dà broă lơh, bơta dong kờl nàng chồl tơnguh bơtàu tơnguh ƀòn lơh broă, prap gàr niam chài bơh yau gơ jat bal mờ bơtàu tơnguh lơh sa.