Tơnơ̆ dơ̆ wă rò, bàr Thủ tướng neh pơrjum bơyai, ring bal chồl tơnguh tơl làm bơta git gơp 2 lơgar. Thủ tướng ồng Phạm Minh Chính đơs nền: Dơ̆ lòt còp geh gơtha dờng ngan, lơh gơs broă rơndap lơh pa ai bơta git gơp lơh broă bal jŏ jòng tơl làm đah Việt Nam mờ Malaysia. 

Bàr gah tơlik jơnau kờñ tơnguh priă lơh geh bơh kă bro gơguh tus 18 tơmàn dolar Mỹ tàm 2, 3 nam tus, mờ kung chồl tơnguh lơh broă bal tàm ală broă pa bè lơh sa sồ, lơh sa tơlir, tam gơl năng lượng, tam gơl pa, bơceh lơh, lơh broă sa suơn sre ngac ngar, lơngăp lơngai tàm internet… Bàr gah kung hơ pơrgon sơlơ tàm tơrbŏ bal lòt nhơl, tìp mat lơh kwèng làng bol, ngan là cau kơnòm să, rề ơnàng lơh broă bal bơto bơsram, tàm pơgơl priă dong kờl bơsram, bơh hơ̆ sơlơ tơnguh bơta git wă mờ đềt mềr đah 2 jơi bơtiàn.