Kwang Lam bồ Hìu bơsram kơlôi sơnơng Cíñ trị Dà lơgar Hồ Chí Minh lơh broă mờ đơng lam bồ 2 càr Bình Định mờ Gia Lai
Thứ sáu, 10:30, 30/05/2025 Cau mblàng K’Hạnh/VOV Cau mblàng K’Hạnh/VOV
VOV4.K’Ho- Ngai 29/05, ồng Nguyễn Xuân Thắng, Kwang Lam bồ Hìu bơsram kơlôi sơnơng Cíñ trị Dà lơgar Hồ Chí Minh neh lơh broă mờ Mpồl Lơh kơnòl broă sùm Tỉñ ủy càr Bình Định mờ Gia Lai bè broă tơmŭt bal mpồl lơh broă sră nggal gơnoar atbồ kấp càr.

Tơngai pa do, 2 càr Gia Lai mờ Bình Định neh pơgồp bal niam ngan, gàr niam tŭ tơngai mờ ring bal jơnau pal jat ai kwang bàng đơng lam bồ, atbồ tàm ală Sờh, mpồl, gah broă tơnơ̆ tŭ tơmŭt bal. Càr Bình Định tŭ do gam lơh broă lơh dong kờl kwang bàng càr Gia Lai in tŭ ntrờn lơh broă tus càr pa.

Đơs tàm dơ̆ lơh broă, ồng Nguyễn Xuân Thắng sồr 2 càr jat nền tàm Jơnau sồr bơh Ƀộ Cíñ trị dê bè bơyai lơh Pơrjum dờng Đảng ală kấp lơh tus Pơrjum dờng dơ̆ 14; Tơngkah, lơh sră nggal pơrjum dờng pal pơgồp bal mờ broă lơh kwơ màng bơtàu tơnguh jŏ tơngai. Broă ai kwang bàng kấp ủy, gơnoar atbồ pal gàr niam rơ wah di cau, ờ gŏ di lời hŭi ală kwang bàng geh bơta pràn jak, jơh nùs lơh broă mờ neh geh uă tă pơgồp tàm tŭ lơh broă.

Cau mblàng K’Hạnh/VOV

Viết bình luận

TIN CÙNG CHUYÊN MỤC