Thủ tướng jờng rơ Đại họk dà lơgar Malaysia neh kĭ sră nggal lơh broă bal mờ 2 Đại họk sồ 1 Việt Nam, lơh gơlik bơta kơp kơnờm lơh broă bal jrô ơnàng tàm broă bơto bơsram đah 2 lơgar; chồl pràn yal tơnggit lòt nhơl, tàm tơrbŏ bal niam chài, sơlơ tìp mat lơh kwèng làng bol; gàr kơ̆ bơta tam klac bal, gơnoar broă lơh tờm bơh ASEAN dê mờ gàr sùm ring lơngai, kơ̆ kơljap, lơngap lơngai mờ khat gơboh gùng dà lềng tàm dà lềng đah mat tơngai lik. Thủ tướng đơs nền Việt Nam kờñ lơh broă bal jơh nùs rlau tai mờ Malaysia tàm bơto bơsram mờ ală broă bơtàu tơnguh jak chài măi mok, tam gơl pa, bơceh lơh, tam gơl sồ tài jơnau kờñ bal, wèt tus bơta bơtàu tơnguh kơ̆ kơljap, pas sơm bơh 2 lơgar mờ mpồl bơtiàn ASEAN dê.