Tổng Ƀí thư ồng Tô Lâm lơh broă mờ Mpồl Lơh kơnòl broă sùm Thành ủy ƀòn dờng Hà Nội
Thứ ba, 06:00, 17/06/2025
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim ngai 16/06, Tổng Ƀí thư ồng Tô Lâm lam bồ mpồl lơh broă Dà lơgar lơh broă mờ Mpồl Lơh kơnòl broă sùm Thàñ ủy ƀòn dờng Hà Nội bè broă lơh lam lơh Jơnau lơh nền tàm pơrjum, Jơnau đơs pơndŭt bơh Dà lơgar dê, bơyai lơh Pơrjum dờng Đảng ală kấp mờ rơndăp tăp sèng mpồl lơh broă.
Tổng Ƀí thư đơs sùm, mờ gơnoar broă càr lơgar rơbô nam niam chài, Hà Nội pal đơs tơl làm bơta bơtàu tơnguh, lơh kah wơl bơta ƀuơn, bơta pràn, ai tơlik bơta tam gơl pràn kwơ màng pa, ai càr lơgar brồ guh gàr gơnoar broă tề lam Dà lơgar. Tàm broă lơh rơndăp tăp sèng mpồl lơh broă, pal gàr kơ̆ bơta tam klăc bal, lơh jat niam gơnoar broă lơh krơh niam bơh kwang bàng dê.
Tổng Ƀí thư đơs nền broă lơh kwang bàng là tờm ngan, pal lơh jat di mờ jơnau sồr, ai bơta kwơ bal ơn hơđang ngan rlau jơh. Mờ Hà Nội kung rcang niam ngan ai pơrjum dờng Đảng ală kấp in, lơh sir jak ngan broă jàu nam 2025; sền gàr niam chài cau Tràng An, tam gơl niam muh mat tiah drà, tiah ơm kis di pal là anih tờm pơn rơ ngan bơh Dà lơgar dê.
Viết bình luận