Tổng Ƀí thư jờng rơ ală cồng nha tơl ală bơta bơh Mpồl Rơndăp broă Dà lơgar dê tàm broă pơlam bè broă rơndăp bơ̆t bơtàu Đảng; đơs niam nùs nhơm song dơ pă, nền nòn sền di is mờ ai tơngŏ loh làng 5 mpồl ờ pràn bal mờ 4 bơta tờm.

Tổng Ƀí thư sồr Mpồl rơndăp broă Dà lơgar pơn jăt tai rơcang lài ai geh jơnau đơs tus mờ ală gùng dà broă lơh geh cồng nha, pràn rơlao. Đơs pràn tàm tŭ do là tơngai “jal mhar” rơcang lài Pơrjum dờng dơ̆ XIV, Tổng Ƀí thư sồr Mpồl Rơndăp broă Dà lơgar tơnguh gơnoar pơlam jŏ jòng, tơrgùm lơh gơs gùng dà broă lơh, tam gơl pa broă kwang bàng, tơnguh uă bơta pràn ai geh gùng dà broă lơh; mpồl lơh broă cíñ trị jăt broă lơh pa, lơh geh cồng nha, rơcang niam jơnau rơcang cih sră nggal mờ gùng dà broă kwang bàng kấp ủy khoă lơh broă tus do in.