Phó Thủ tướng pơyoa jơnau lùp còp bơh kwang đơng lam bồ kấp dờng Việt Nam dê tus mờ Thủ tướng lơgar Nhờk, đơs nền Việt Nam sùm sền Nhờk là lơh broă bal pin dờn tàm rài bơtàu tơnguh pa. Bàr gah ring bal lơh pràn lơh broă bal tàm gah tờm bè kă bro phan, bơcri priă, jak chài, măi mok, bơtàu tơnguh cau lơh broă geh bơta pràn jak.

Thủ tướng lơgar Nhờk ồng Ishiba Shigeru jờng rơ uă ngan tă pơgồp bơh cau lơh broă Việt Nam dê tàm lơgar Nhờk, sền do là mpồl kwơ màng ờ gơtùi tam gơl, mơkung tơngŏ bơta kơ̆p kờñ dờp uă rlau tai bơta cau lơh broă bơh lơgar Việt Nam. 2 gah hơ pơgồp bal lam lơh geh cồng nha ală jơnau ring bal kấp dờng mờ rề ơnàng lơh broă bal tàm gah tam gơl pa bơceh lơh, bơto bơtê mpồl lơh broă jak.