VOV.K'Ho- Ngai 02/09 kung là tơngkah kir sơnrai ngai sang rài Củ tịc Hồ Chí Minh dê- Cau neh đơng lam Đảng he, Làng bol he, dà lơgar he sơrlèt rlau gĭt nđờ rbô kal ke, lơh geh ală cồng nha dờng ngan tàm dơ̆ tam lơh mờ bol sò tơm thàm phà dà lơgar he dong klàs jơi bơtiàn, sền gàr Dà lơgar mờ bơ̆t bơtàu dà lơgar. Chờ hờp Sa tềp lơngăp lơngai is, làng bol ală jơi bơtiàn dồ êt nă cau tàm ală ƀòn lơgar Tây Nguyên kah wơl tai Wa Hồ, cau neh cèng wơl rài kis hờm ram ai làng bol in. Jơh bal cau kra, cau kơnòm, ndrờm hơ bơsram mờ lơh jăt Wa Hồ, tơrgùm bal pràn dùl nùs bal bơ̆t bơtàu ƀòn tờm dà lơgar tờm ngai sơlơ dờng niam rlau, pas pràn rlau.

VOV4.K’Ho- 80 nam lài, ngai 02/09/1945, gùl Ƀlàng dờng Ba Đình kah yau, Củ tịc Hồ Chí Minh neh sền sră Jơnau yal bơr Lơngăp lơngai is, yal sơnđan măt lơgar Việt Nam Zân củ Kộng hoà. Tàm tŭ jiơ king crŭ hơ̆, nha bồng bi pơrhê sơrmañ rơmĭt 5 nơm đar gơ par lĭp lơ̆p tàm săp driau dờng bơh gĭt nđờ jơ̆t rbô plai nùs gơboh lơgar dê, đơs nền pràn kơldang mờ dunia bè gơnoar tờm ù tiah dà lơgar, là bơta pơnyờ să bơh dùl jơi bơtiàn lơngăp lơngai is, khăt gơboh, là cồng nha lơh geh bơh nùs gơboh lơgar, ală phi să bơh gĭt nđờ rơnàng bèp ồng dê mờ nùs nhơm tam klăc jơi bơtiàn.

VOV.K'Ho- Lơh jăt broă lơh gơnoar atbồ ƀòn lơgar bàr kấp, uă sàh pa tàm tiah Tây Nguyên – Đah jum tàm gùl lơgar geh lơh tàm tơngu me tơrgùm bal, lài ngan neh cèng geh cồng nha niam tàm broă atbồ, đơng lam mờ drơng broă làng bol in.

VOV.K'Ho- Broă lơh niam sră pơ-àr gơnoar atbồ bal mờ tam gơl broă lơh gơnoar atbồ ƀòn lơgar tàm ală càr Tây Nguyên bè Gia Lai, Lâm Đồng, Dăk Lăk gam rơhời geh dùl nùs nhơm pa: lơh ngan tàm ƀòn lơgar, rơcang lài tàm càr, ai cồng nha drơng broă làng bol mờ bơtàu tơnguh lơh sa nàng lơh bơta tờm was cồng. “Rềp làng bol, dong kờl làng bol, tài làng bol” neh gơs broă lơh mùl màl. Ală bơta tơngŏ niam neh geh nùs nhơm pin dờn bè dùl gơnoar atbồ drơng broă mùl màl mờ geh cồng nha.

VOV.K'Ho- Tàm Anih tờm pơrjum càr Gia Lai, Mpồl Mblàng yal bơto bơtê mờ Mpồl Hòi jà Làng bol Tỉñ ủy càr Gia Lai pa bơyai lơh Pơrjum jờng rơ 62 nă cau pơnrơ ngan “Chài hòi jà làng bol” tơngai bơh nam 2020- 2025.

VOV.K'Ho- Ngai 28/08, tàm ƀòn dờng Huế, Anih duh broă Làng bol ƀòn dờng pơgồp bal mờ Mpồl Jak chài Jơnau kah yau Việt Nam bơyai lơh pơrjum cribơyai jak chài kâp dà lơgar bal mờ tơngume “80 nam Kăc màng Nhai Phàm mờ Sơn tờm Dà lơgar 02/09- Jơnau gơtha kah yau mờ bơta kwơ tŭ tơngai dê”.

VOV.K'Ho- Thủ tướng ồng Phạm Minh Chính sền bal ring bal mờ jơnau rcang cih sră nggal yal mờ Pơrjum dờng Đảng ƀộ Hải Phòng mờ Quảng Ngãi tàm tơngai lơh broă tus do, mơkung sơñio loh bơta ờ niam, jơnau gơbàn mờ ai tơlik jơnau bơsram mờng chài rơ̆ ru.

VOV.K'Ho- Di dơ̆ tơngkah kir sơnrai 80 nam Kăc màng Nhai Phàm mờ Sơn tờm Dà lơgar 02/09, Ƀộ Cíñ trị lơh nền pà 100 rbô đong ai jơh tơl nă làng bol in.

VOV.K'Ho- Ngai òr (28/08), tàm Anih tờm ràng tơlik Dà lơgar, Hà Nội neh geh lơh Dơ̆ bơyai lơh sơn đờm Ràng tơlik “80 nam tơngai Krơi is – Khăt gơboh – Gơboh gơbài”.

VOV.K'Ho- Pha lin bơh dơ̆ Ntào tam lơh Nhai Phàm nam 1945, Việt Bắc là pôs ling kăc màng geh lơh bơh nùs nhơm kơlôi sơnơng kwang đơng lam bồ Nguyễn Ái Quốc - Hồ Chí Minh dê bal mờ bơta ring bal dùl nùs, dùl pràn dờm song bơh làng bol ală jơi bơtiàn tàm tiah do dê. 80 nam tơnơ̆ ngai Krơi is, jơnau bè bơhiàn kăc màng bơh ală “ƀòn jăk” kung gam geh ală cau kòn ƀòn lơgar kăc màng prăp gàr mờ bơto pơlam.