Anih duh broă làng bol càr Lâm Đồng jào Sờh Broă lơh sa suơn sre mờ Tiah ơm kis, anih lơh broă sùm bơh Mpồl lơh broă ală gah lơh broă bơ̆t bơtàu, ai geh Kơrnoăt boh lam lơh broă, broă lơh, broă rơndăp lơh, lòt sền, jăt sền pah nam, ni sơna bơh Mpồl lơh broă mờ sền gròi, pơlam broă bơyai lơh.

Tŭ do kờp jơh khà ơhò lơh ka càr Lâm Đồng là 8 rơbô 200 nơm. Jơh ală ơhò neh geh crăp phan Vnfishbase; rơlao 90% ơhò lơh ka neh geh sră ai lòt lơh phan tàm dà; ơhò lơh ka ờ tơl bơta niam lòt lơh ka là 768 nơm. Broă atbồ mpồl ơhò, sền gròi, jăt sền ơhò lơh ka lơh broă tàm dà lềng pơn jăt tai geh tơnguh, kơrian, bañ lời ơhò lơh ka tìs tiah dà lềng lơgar bơdìh; ală ơhò lơh ka ờ tơl niam lơh broă neh geh sền wơl, tơlik khà măt mờ bơyai lơh atbồ, sền gròi nền nòn, ờ ai lòt lơh ka.