Tổng Ƀí thư, Củ tịc lơgar ồng Tô Lâm đơs nền, dơ̆ tơnkah là dơ̆ nàng gùt Đảng, gùt làng bol, gùt ling klàng kah tus, ưn ngài uă ngan ală broă lơh dờng màng bơh ồng Hà Huy Tập dê gơwèt mờ broă kăc màng, mờ lơh geh nùs nhơm pơnyờ să bồ tơngoh, nùs nhơm kơ̆p kờñ brồ guh kơnòl tềng đăp Dà lơgar dê.

Rài kis lơh broă kăc màng bơh ồng Hà Huy Tập là rùp rài niam bơnĕ bơh dùl nă cau ngăc ngar kơnòm să geh uă nùs nhơm kờñ gơboh dà lơgar, gờñ lơh jăt bơta niam bơnĕ mờ gùng dong klàs dà lơgar bơh cau jăk chài Nguyễn Ái Quốc dê. Tàm ồng tơrgùm geh tơl bồ tơngoh, jơnau đơs jăk chài, kơ̆ nùs pràn kơl dang, nùs nhơm cau Kộng sản mùl màl, jơh rài kis lơh broă kăc màng Đảng mờ jơi bơtiàn in. Bŭ lah tàm bơta kal ke ngan, gơtìp pù pờng ha là kong mờ broă jàm gơsơ̆t să, ồng kung gam dùl nùs dờn song gơwèt mờ Đảng, mờ Làng bol. Jăt Tổng Ƀí thư, Củ tịc lơgar đơs, tàm tơngai pa, nùs nhơm hơ̆ pal gơs bơta tờm lơh broă bơh tơl kwang bàng, đảng viên dê: khin kơlôi, khin lơh, khin lơh pràn, khin dờp kơnòl, khin lơh broă tài bơta kwơ bal; ai cồng nha mùl màl lơh bơta was, ai bơta di nùs, gơboh gơbài Làng bol dê lơh jơnau kờñ uă ngan.