Tàm dơ̆ lơh broă, Tổng Ƀí thư, Củ tịc lơgar ồng Tô Lâm đơs niam ală cồng nha kwơ màng, tơl ală bơta mờ Đảng ƀộ, gơnoar atbồ bal mờ Làng bol càr Hà Tĩnh neh lơh geh tàm tơngai do.

Tàm tơngai tus, Tổng Ƀí thư, Củ tịc lơgar sồr, càr Hà Tĩnh pal lơh pràn broă tam gơl pa bồ tơngoh, nùs nhơm kơlôi sơnơng bal mờ gùng dà broă đơng lam; bơ̆t bơtàu gùng dà bơtàu tơnguh pràn, ai gơguh lơh sa mhar mờ kơl jăp lơh tờm, ai kòn bơnus lơh tờm, jăk chài măi mok, tam gơl pa bơceh lơh mờ tam gơl sồ lơh bơta pràn tờm ngan, lơh jăt mùl màl geh cồng nha Jơnau lơh nền tàm pơrjum 57 bơh Ƀộ Cíñ trị dê nàng lơh geh broă tam gơl loh làng bè cồng nha lơh broă. Tổng Ƀí thư, Củ tịc lơgar ồng Tô Lâm pin dờn, mờ nùs nhơm kơ̆ dơn, bồ tơngoh ngăc ngar bal mờ kơ̆p gơn kờñ brồ guh, Đảng ƀộ, gơnoar atbồ bal mờ Làng bol càr Hà Tĩnh rơ̆p pơn jăt tai tam klăc bal, tam gơl pa, tơnguh nùs nhơm “săp ntas sơngơr Xô Viết Nghệ Tĩnh”, brồ guh bơtàu tơnguh mhar, tơl ală bơta mờ kơl jăp, pơgồp bal di pal tàm broă bơtàu tơnguh bal gùt lơgar dê.