Đơs tàm dơ̆ Tìp mat cribơyai, Thủ tướng ồng Lê Minh Hưng đơs sùm bơta kuơmàng bơh git gơp đah Việt Nam mờ Hàn Quôk tŭ do ờ mìng gơ ơm wơl tàm lơh broă bal kă bro phan halà bơcri priă lơm gời, mờ neh tam gơl tus dùl tŭ tơngai dờng rlau, tŭ tơngai lơh broă bal jŏ jòng tơl làm, bal mờ gơp tus bal mờ bal mờ gơp bơt bơtàu ală mpồl lơh gơlik phan pa tàm tiah do mờ gùt plai ù. Thủ tướng kơp kờñ ală mpồl lơh sa kă bro 2 lơgar rơp cribơyai song dơpă, geh jơnau yal mùl màl, bal mờ Cíñ phủ 2 lơgar tă bơsong ală bơta gơ kòl mờ lơh gơlik ală gùng dà lơh broă bal pa.

Kwang atbồ lơgar Hàn Quôk ồng Lee Jae Myung đơs, tŭ bơta ờ niam lơh sa gùt plai ù gam ngai sơlơ gơguh uă, lơh broă bal lơh sa đah 2 lơgar Hàn Quôk mờ Việt Nam ngai sơlơ kuơmàng rlau mờ tŭ lơi jơh, bal mờ gơp lơh sir ală mpồl lơh sa mờ măi mok tơnơ̆ do, lơh gơlik bơta tàm pơgồp bal ai gơn kơnờm gơguh lơh sa in. Yal priă lơh geh bơh kă bro phan đah 2 lơgar nam 2025 neh geh 94 tơmàn 600 tơlak dolar Mỹ, ồng Lee Jae Myung pin dờn pơn jat tai rề ơnàng kă bro phan, bơcri priă mờ gơtùi lơh geh jơnau kờñ pa là lơh geh 150 tơmàn dolar Mỹ tàm nam 2030.