Dăk Lăk: Yă thiếu tá kwang àng gùng lòt lài do ờ dong kờl cau gơtìp rềs àr bơh dơ̆ rềs àr tàm gùng lòt
Thứ sáu, 08:33, 24/04/2026
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Drim òr (23/04), Kwang àng càr Dăk Lăk neh bơyai lơh pơrjum ƀăo yal bè dơ̆ gơtìp rềs àr lơh dùl nă oh klao bơsram ơdŭ 12 gơtìp chơ̆t, lơh gơtìp ờ sŭk ngan tàm mpồl bơtiàn tàm ală ngai do.
Anih lơh broă Kảñ sát lùp khào neh yă dơ̆ lơh tìs do, yă cau gơtìp lơh tìs gơwèt mờ Thiếu tá kwang àng Nguyễn Quang Hoàng bè tìs ờ dong kờl cau gam gơtìp tàm bơta ngòt rơngơ̆t tus màng kis.
Lài mờ hơ̆, ngai 15 nhai 4, tàm gùng 29 gơl lòt gan sàh Cư̆ Pơng, oh V.Đ.Q 18 sơnam măi rơndeh Honda lòt jờl ir, gơdùh tàm rơbòng dà tềng gah gùng mờ gơtìp chơ̆t tơn. Cồng nha lùp khào ai gŏ, tŭ gơtìp rềs àr, Klao Hoàng măi rơndeh Mô tô ting jăt cau gơtìp tìs. Tŭ gŏ cau tìs gơtìp rềs àr, klao do ờ ơm dong kờl mờ tơwơr rơndeh lòt tàm tiah ndai. Tŭ do, cau gơtìp yă Nguyễn Quang Hoàng neh gơtìp toh khà măt Kwang àng Làng bol, ờ ai lơh broă mờ tơn jơh pơrjum đảng nàng drơng tàm broă lùp khào.
Viết bình luận