Đơs tàm dơ̆ lơh broă, Thủ tướng ồng Lê Minh Hưng sồr, kơnòl broă bơtàu tơnguh dà lơgar tàm tŭ tơngai pa là loh làng ngan, kơnòl lam lơh là dờng ngan mờ kơn jơ̆ kơn jut ngan, ngan là broă gàr niam jơnau kờñ lơh geh gơguh lơh sa 2 nơm khà, tàm hơ̆, Ƀộ, gah lơh sa mờ măi mok mờ kă bro phan pal àñ ơnòng kơnòl broă tờm, lam lài bơsong ală bơta ờ niam mờ chồl tơnguh ală broă lơh lơh sa kă bro nàng lơh geh jơnau kờñ ai tơlik. Thủ tướng đơs sùm, Ƀộ Lơh sa mờ măi mok mờ kă bro phan kờñ pal jal mhar lam lơh mùl màl mờ lam lơh di tŭ Broă rơndap lơh lam lơh Broă lơh lơh broă bơh Cíñ phủ dê lơh jat Jơnau lơh nền tàm pơrjum dờng dơ̆ XIV bơh Đảng dê, Jơnau đơs pơn dut sồ 18 bơh Đảng dà lơgar dê….

Nàng lam lơh jat ală tơngume tàm ală gah atbồ bơh Ƀộ Lơh sa mờ măi mok mờ kă bro (geh năng lượng, xăng zờu, jak chài măi mok, tam gơl pa bơceh lơh, tac phan hờ lơgar ndai, drà kă bro tàm lơgar); jàu ală broă mùl màl, ală bơta broă, tŭ tơngai hơ pơrgon lơh gơs ngan ngồn ai tơl Đơng lam ƀộ, mpồl lơh broă tàm ƀộ, ală tập đoàn lơh sa dà lơgar, ƀòn lơgar in.