Đơs bè bơta git gơp đah 2 lơgar geh bơnàng jă niam bơnĕ mờ geh uă bơta pràn, Thủ tướng sồr sơlơ tơnguh tai cribơyai mpồl kwang bàng ală kâp, is ồn là kwang bàng kâp dờng nàng kờñ lơh kơ̆ bơta pin dờn cíñ trị mờ chồl tơnguh lơh broă bal ngan ngồn tàm ală gah lơh sa, kă bro phan, bơcri priă, lơh ngan tơnguh priă lơh geh bơh kă bro đah 2 lơgar. Đơs sùm, Estonia geh bơta pràn pơn rơ ngan bè măi mok, bồ tơngoh jak kòn bơnus lơh gơs, tam gơl pa bơceh lơh mờ tam gơl sồ, Thủ tướng ồng Lê Minh Hưng sồr đah lơgar Estonia tam pà bal mờng chài, dong kờl tàm jàu măi mok, pơgồp bơnah tơnguh cồng nha lơh geh mờ pràn jak tàm pơrlòng bơh rài lơh sa Việt Nam dê. Ƀộ trưởng ồng Margus Tsahkna đơs nền, Estonia sền dờng màng bơta git gơp mờ Việt Nam, sền Việt Nam là lơgar lơh broă bal kuơmàng ngan tàm tiah đah jum mat tơngai lik câu Á, mờ kung kơp kờñ rề ơnàng lơh broă bal, is ồn là tàm bơto bơtê cau lơh broă geh bơta niam uă tàm ală gah măi mok yal tơnggit jơnau, lơh sa sồ mờ bồ tơngoh jak kòn bơnus lơh gơs.