Bơh rơlao 7 nam lơh jăt Jơnau lơh nền tàm pơrjum sồ 36, Tỉñ ủy càr Dăk Lăk neh ai lơh jăt 7 broă lơh lơh broă, lơh loh làng 6 broă tam gơl pràn; Anih duh broă Làng bol càr mờ ală sờh, gah lơh broă tơlik uă broă rơndăp lơh, sră nggal sồr lơh, rơhời lơh gơs kơrnoăt boh lam bơtàu tơnguh lơh sa dà lềng.

Ồng Lương Nguyễn Minh Triết, Ƀí thư Tỉñ ủy càr Dăk Lăk sồr tàm tơngai tus, gùt càr tơrgùm tam gơl pràn bồ tơngoh bơh “lơh” tus “lơh sa dà lềng kơl jăp”, ai sền gàr tiah kis dà lềng lơh tờm. Tàm hơ̆, ai lài tă bơsong “sră rơmit” IUU, atbồ nền nòn mpồl ơhò, jòi geh anih lơh geh phan tàm dà, bơ̆t bơtàu broă lơh ka geh kơnòl, tơrgùm bal mờ ală lơgar. Ƀí thư Tỉñ ủy càr Dăk Lăk đơs nền ală bơta tờm lơh sa dà lềng mờ càr rơ̆p tơrgùm bơtàu tơnguh, bè lòt nhơl dà lềng geh bơta niam uă; măi mok lơh gơs phan, tăc phan tàm dà mờ lơgar bơdìh jăt mpồl; logistics dà lềng, anih ơhò ơm dà lềng, năng lượng lơh geh wơl bơdìh dà lềng. Bơta pal kah ngan là gùng dà bơtàu tơnguh lơi kung pơgồp bal mờ bơta niam chài mờ sền gàr tiah kis.