Nàng kờñ lơh niam wơl broă lơh do, Anih duh broă Làng bol càr Dăk Lăk pơrjum kờp sền tŭ tơngai mut lơh mờ tă bơsong kal ke ală rơndăp broă lơh bơh Mpồl atbồ rơndăp broă lơh bơcri priă bơt bơtàu broă lơh bơt bơtàu drơng broă làng bol mờ lơh sa mờ măi mok càr lơh cau tờm bơcri priă lơh. Mpồl do geh jàu uă rơndăp broă lơh mơya pa mìng ai priă geh 10% broă rơndăp lơh. Nam 2026 Mpồl geh jàu atbồ 33 rơndăp broă, mờ kờp jơh broă rơndăp lơh priă bơcri rlau 917 tơmàn đong. Mơya, tŭ tơngai lam lơh mờ ai priă bơcri lơh gam lơyài. Uă rơndăp broă lơh phan bơna bơt bơtàu tiah lòt nhơl tơnau dà Lăk, gùng tờm N6, gùng Nguyễn Đình Chiểu tơrbŏ jòng, phan bơna bơt bơtàu Tiah lơh sa mờ măi mok Hoà Phú... ndrờm gơtìp kal ke tàm broă tơm priă, ờ hềt lơh geh bơta dùl nùs bal mờ làng bol. Bàr pe rơndăp broă lơh ndai gơ kòl lơh niam wơl gùng dà broă lơh, ờ tơl priă bơcri lơh halà ờ hềt geh ai priă bơcri lơh. Tàm pơrjum, uă jơnau đơs tơrgùm tàm broă tam cah is rơndăp broă lơh mờ bơsong tơn jơh tơl mpồl kòl yan, ala tài bơh lơh uă .

Gơwèt mờ ală rơndăp broă lơh lơyài ai priă bơcri lơh, ồng Đỗ Hữu Huy, Củ tịc Anih duh broă Làng bol càr Dăk Lăk sồr lơh kràñ tŭ tơngai mut lơh mờ duh rơngòt kơrnoat boh lam bơcri priă lơh dà lơgar dê. Dilah kờñ pal geh, pal tàm ntrờn priă bơcri gờñ nàng gàr niam khà ai priă bơcri lơh.