Lài mờ tŭ tơn jơh, Quôk hội pờ tê ring bal uă Jơnau lơh nền tàm pơrjum kwơ màng. Hơ̆ là Jơnau lơh nền tàm pơrjum bè ring bal kờp sền kes priă Dà lơgar nam 2024; Jơnau lơh nền tàm pơrjum bè broă lơh jat sền bơh Quôk hội dê nam 2027; Jơnau lơh nền tàm pơrjum bè tơnggơs Mpồl jat sền mìng dùl tơngume bơh Quôk hội dê nam 2027; Jơnau lơh nền tàm pơrjum bơh Quôk hội dê bè bơtàu tơnguh niam chài Việt Nam; Jơnau lơh nền tàm pơrjum bơtàu tơnguh lơh sa- mpồl bơtiàn 5 nam tơngai bơh nam 2026 – 2030; Jơnau lơh nền tàm pơrjum bè broă rơndăp lơh bơcri priă dà lơgar dimơ tơngai tơngai bơh nam  2026 – 2030; Jơnau lơh nền tàm pơrjum bè adat boh lam, broă dong kờl krơi is nàng bơsong lơh tìs adat boh lam bè ù tiah bơh mpồl cau, cau dồ nă să gơlik geh lài mờ tŭ Adat Ù tiah nam 2024 geh mut ngui ngan ngồn mờ broă lơh pơn jat tai tă bơsong kal ke, kòl yan ai ală rơndăp broă lơh gam gơ kòl, jŏ jòng.

Quôk hội pờ tê ring bal Adat tam gơl, bơtơl bàr pe bơta bơh Adat priă dia cau nă să is, Adat priă gơguh tai, Adat dia lơh geh mpồl lơh sa kă bro mờ Adat dia tăc bro phan is ồn.