Pơrjum geh bơyai lơh pơrjum tơn pơgồp bal mờ pờ tơlik tàm internet mờ bơta tus bal bơh rlau 20 rơbô nă kwang bàng, kông cứk gah Sền sơwì Đảng tàm 3 rơbô 466 anih tàm tơrbŏ bal tàm ală càr, ƀòn dờng mờ sàh, sơnah ƀòn, tiah is ồn tàm gùt lơgar dê.

Đơs pơndŭt pơrjum, ồng Trần Tiến Hưng, Phó Cau kong kơnòl Lơh broă sùm Anih duh broă Sền sơwì Dà lơgar sồr Anih duh broă Sền sơwì ală kấp mhar tă pơgồp bal jơnau đơs mờ kấp ủy bal mờ kấp bơt bơtàu Broă lơh lơh broă, broă rơndăp lơh ngan ngồn, lơh di tiah, di anih di pal mờ gơnoar broă, kơnòl broă mờ bơta geh ngan bơh ală tiah, anih lơh broă, mpồl lơh broă dê. Tơngume broă lơh, broă rơndăp lơh pal gàr niam loh kơnòl broă di pal mờ ală bơta geh ngan bơh ală tiah, anih lơh broă, mpồl lơh broă loh tŭ tơngai lơh sir, loh kơnòl, priă jền mờ cồng nha; pơgồp bal mờ cồng nha lơh jat Jơnau lơh nền tàm pơrjum sồ 05 mờ sền is tìs di, sền sơwì mpồl bal kấp ủy, gơnoar atbồ, anih lơh broă, mpồl lơh broă mờ cau lam bồ jat mờ jơnau sồr dê.