VOV.K’Ho – Ngai 27/11, Anih duh broă Làng bol càr Gia Lai yal bơta jal mhar bè trồ tiah lơh aniai tài bơh càl rbut dờng mờ dà tih dà lìu tàm 77 sàh, sơnah ƀòn tàm càr. Dùl ngai bal, càr kung jal mhar lam lơh ală broă lơh rơcang lài drơng wơl tŭ càl rbut dờng sồ 15 digơlan mut tàm ù gờl.

VOV.K’Ho- Ngai (26/11) Anih tờm Dong kờl bơto pơlam broă lơh sa suơn sre càr Lâm Đồng lam lơh broă lơh dong kờl làng bol bơsong hoàc huơr, dong kờl wơl suơn sầu riêng gơtìp ngơr bam dà tài bơh mìu dờng dà kŏ dà lìu ală ngai do.

VOV.K’Ho- Mang ngai 26/11/2025, tàm Hà Nội, Mpồl tam klăc Ơruh pơnu Dà lơgar Việt Nam, Mpồl Cau kă bro kơnòm să Dà lơgar Việt Nam bơyai lơh dơ̆ jàu khà jờng Sơrmañ Pơrhê- Cau kă bro kơnòm să Việt Nam pơn rơ jak nam 2025.

VOV.K’Ho- Pơn jat tai pơrjum Quôk hội, tă pơgồp jơnau đơs bè broă lơh jơnau kờñ Dà lơgar tơngai pa, tơnguh uă cồng nha bơto bơtê mờ bơsram tơngai bơh nam 2026-2035, Broă lơh jơnau kờñ Dà lơgar bè sền gàr pràn kơl dang, khà kờp làng bol mờ bơtàu tơnguh tơngai bơh nam 2026 – 2035, Củ tịc Quôk hội ồng Trần Thanh Mẫn đơs sùm, do là 2 broă lơh gơrềng tơn tus làng bol, dilah lơh jat niam, làng bol rơ̆p 4 bal hơ̆ là làng bol gĭt, làng bol cribơyai, làng bol sền sơwì, làng bol dờp geh bơta kwơ.

VOV.K’Ho – Mang ngai 26/11, Anih duh broă Tĕ khà càr Dăk Lăk bơyai lơh dar pơrjum dơ̆ 1 nàng lam lơh broă lơh rơcang lài ai dơ̆ tĕ khà cau ala mat Quôk hội khoă XVI mờ cau ala mat Mpồl duh broă làng bol ală kâp, tơngai lơh broă bơh nam 2026 tus nam 2031.

VOV.K’Ho – Mang ngai 26/11, càr Dăk Lăk pơrjum mờ ală gah broă lơh mờ jơh ală sàh, sơnah ƀòn tiah dà tih dà lìu tàm tiah đah mat tơngai lik nàng sồr lơh ală kơnòl broă jal mhar bơsong wơl tơnơ̆ dơ̆ mìu dà tih dà lìu dờng ngan ờ hềt geh bơh lài tus tŭ do tàm tơngai pa do mờ kung drơng di tŭ mờ càl rbut dờng sồ 15 mờr tus.

VOV.K’Ho – Drim ngai 26/11, tàm ƀòn dờng Hồ Chí Minh neh mut lơh Anih cribơyai Lơh sa kà hàm nam 2025 mờ tơngume “Tam gơl tơlir tàm rài sồ”.

VOV.K’Ho – Anih duh broă Làng bol càr Dăk Lăk pa ai tơlik sră nggal sồr mhar bơsong jơnau gơ lời wơl tơnơ̆ mìu dà tih, gàr bè ờs wơl rài kis làng bol.

VOV.K’Ho- Mho òr (25/11), tàm Hìu lơh broă Củ tịc, Củ tịc lơgar ồng Lương Cường đơng lam dơ̆ pơrjum tàm jàu broă lơh ờs mờng mờ Cơldŭ lơh broă Củ tịc lơgar nàng kờñ sền wơl bơta lơh jat kơnòl broă tàm tơngai pa do, lam lơh gùng dà broă lơh lơh broă tàm tơngai tus.

VOV.K’Ho- Mho òr (25/11), tàm Hà Nội, Hìu bơsram kơlôi sơnơng Cíñ trị Dà lơgar Hồ Chí Minh, Mpồl Mblàng yal, Bơto bơtê mờ Hòi jà Làng bol Dà lơgar, Mpồl duh broă lý luận Dà lơgar, Mpồl cau lơh ƀăo Việt Nam, Pang sră ƀăo Kộng sản, Ƀăo Ñân zân mờ Anih sơñio rùp Việt Nam pơgồp bal bơyai lơh Pơrjum tơn jơh 5 nam bơyai lơh Dơ̆ pơrlòng cribơyai cíñ trị bè sền gàr ală bơta bồ tơngih bơh Đảng dê (2021-2025).