Tàm dơ̆ lam lơh, Mpồl sồr lơh dà lơgar bè lòt jòi, tờ tơrgùm mờ đal git mat ƀồc ntìng cau ling chơt màng tơlik jơnau kờñ lơh geh tàm 500 ngai mang, pơn đơl jơh nùs lòt jòi, tờ tơrgùm geh 7 rbô ƀồc ntìng cau ling chơt màng mờ đal git mat mờr 18 rbô ƀồc ntìng cau ling chơt màng. Tơngai lam lơh broă lơh bơh ngai 15/3/2026 tus ngai 27/7/2027.

Đơs tàm dơ̆ lam lơh, Phó Thủ tướng mò Phạm Thị Thanh Trà sồr ală ƀộ, gah broă lơh dà lơgar, càr, ƀòn dờng pal lam lơh jơh nùs, wil tơl mờ geh kơnòl, tàm hơ̆, tơrgùm tàm ală kơnòl broă tờm, tàm hơ̆ kờñ pal git loh do là kơnòl broă cíñ trị is ồn kuơmàng ngan; kờñ pal tơng gơs mpồl jat sền, sền sơ wì, gròi sền tơngai hơ pơrgon lam lơh dồ bă nền nòn, ngan ngồn; tam gơl pa broă lam lơh jat gùng dà ngui pràn jak chài măi mok; ngui niam gơnoar broă bơh ală mpồl mờ hòi jà bơta tus bal bơh jơh gùt mpồl bơtiàn dê; kờñ pal sơlơ tơnguh tai lơh broă bal ală lơgar, ngan là mờ ală lơgar bơyô là Lào mờ Campuchia.