Ngai 13/4, Mpồl đơng lam Đảng dà lơgar bơyai lơh pơrjum gùt lơgar kơlôi sơnơng bơsram, lơh jat mờ lam lơh jat Jơnau lơh nền tàm pơrjum dơ̆ 2 bơh Mpồl duh broă Đảng dà lơgar khoă XIV dê. Đơs sồr lơh tàm pơrjum, Tổng Ƀí thư, Củ tịc lơgar ồng Tô Lâm đơs loh nùs nhơm, jơnau sồr geh ai tơnơ̆ Pơrjum dơ̆ do là gĭt kơ̆, lam lơh jat dùl bă kràñ cê jơh nùs, ring bal, geh cồng nha, lơh geh bơta tam gơl loh làng tàm ală anih lơh broă cíñ trị.

Tổng Ƀí thư, Củ tịc lơgar ồng Tô Lâm sồr, kràñ cê jơh nùs bơsong bồ tơngoh kơlôi sơnơng ală ù tiah sră pơ àr gơnoar atbồ, jơh ală gah broă, jơh ală tơngai lơh broă tàm rơndăp broă lơh bơtàu tơnguh, nùs nhơm là tơl rơndăp ù tiah bơtàu tơnguh ală tiah, rơndăp ù tiah gah broă pal geh sền tàm rơndăp tăp sèng bal, pơgồp bal lơh bal mờ ală tiah. Tàm rơndăp ù tiah tơrgùm bal pal is ồn sền gròi rlau tai rơndăp ù tiah năng lượng, tơn jơh ngan ngồn bơta bơcri priă jat srơh, jat bơta kơ̆p kờñ ờ lơh jơh nùs, jat broă lơh dan- pà, jat tơngai lơh broă, jat broă lơh đah bơdìh. Tơl rơndăp broă lơh kờñ lam lơh ndrờm pal ơn tàm rơndăp ù tiah bal, geh sền sơwì dùl bă loh làng, niam ngan.