Jat jơnau yal, tŭ do gam 198 gah broă kă bro geh bơta pal geh mờ 4 rbô 603 bơta pal geh kă bro. Jơnau đơs pơndut sồ 18 Pơrjum dơ̆ 2 Mpồl duh broă Đảng Dà lơgar khoă XIV neh sồr ală ƀộ, anih lơh broă pal pơn jat tai sền sơ wì, koh tơrmù tai 30% gah broă kă bro geh bơta pal geh, mờ kung koh tơrmù rlau 100% bơta pal geh kă bro ờ duh pal geh. Bal mờ hơ̆, koh tơrmù 50% tơngai lam lơh, 50% priă tă lơh sră pơ àr gơnoar atbồ; kâp Ƀộ mìng lam lơh ờ rlau 30% kờp jơh khà sră pơ àr gơnoar atbồ gơ wèt broă atbồ.

Đơs pơn dut dơ̆ pơrjum, Thủ tướng sồr, tus ngai 20/4 do, ală ƀộ pal yal broă rơndap lơh koh tơrmù, tam gơl wơl sră pơ àr gơnoar atbồ, ală bơta pal geh kă bro, gah broă kă bro geh bơta pal geh; Cơldŭ lơh broă Cíñ phủ, Ƀộ sền gàr adat boh lam tơrgùm wơl, sền sơ wì yal Cíñ phủ in ring bal broă rơndap lơh tàm nhai 4 do tơn.