Tàm dơ̆ tơn jơh, Mpồl bơyai lơh neh jờng rơ ală cau lơh ƀău mờ jàu 24 khà jờng Biàng; 37 khà jờng màh, 71 khà jờng lơngô; 60 khà jờng pơn jờng ai ală jơnau pơrlòng gơ wèt ală bơta: Pờ tơlik jơnau đơs tơn, jơnau cih lơyah, jơnau cih lơyah lùp sền, jơnau đơs dà kòn cau, podcast.. Tàm hơ̆, uă jơnau pơrlòng geh bơta jòi git, git gŏ; uă broă lơh pờ tơlik jơnau đơs pa geh ală cau lơh ƀău, ală ƀău mờ pờ tơlik jơnau đơs sơñio rùp càr, ƀòn dờng lơh niam ngan, bơceh lơh, geh bơta kuơ mờng chài lơh broă uă mờ lơh gơ rề tàm mpồl bơtiàn niam ngan.

Bơdìh hơ̆ tai, Mpồl bơyai lơh kung jàu 29 khà jờng ndai, geh: Cau yal jơnau (host) niam ngan; Cau lam bồ - tề lam jơnau đơs pờ tơlik tơn niam ngan; khà jờng ekip lơh gơs jơnau đơs pờ tơlik tơn niam ngan; Khà jờng cau đơs niam ngan; Cau drơng măi mok jak ngan. Tus bal Pơrlòng pờ tơlik jơnau đơs dơ̆ do, VOV Tây Nguyên geh 1 khà jờng Biàng, 1 khà jờng màh mờ 1 khà pơn jờng.