Jơnau yal pà gĭt, bulah lơh geh khà gơguh tai GRDP 7,47%; priă lơh geh blơi phan mờ lơgar ndai gơmù 20% pơndrờm dùl tŭ bal mờ nam lài, kờp jơh khà tăc rah rài phan bơna mờ priă lơh geh drơng broă gơguh, mơya ờ hềt lơh geh jơnau sồr gơguh tai. Uă “bơta gơ kòl” pơn jat tai gam bè tŭ tơngai bơsong ală rơndăp broă lơh bơdìh kes priă dà lơgar gam lơyài, is ồn tàm gah năng lượng lơh gơlik wơl; ai priă bơcri dà lơgar pa lơh geh rlau 5%; khà mpồl lơh sa kă bro tơn jơh lơh broă gơguh rlau 110%.

Đơs tàm pơrjum, Củ tịc Anih duh broă Làng bol càr Lâm Đồng ồng Hồ Văn Mười đơs sùm bơta pơgồp bal ờ hềt geh cồng nha đah ală anih lơh broă, gam gơlik geh broă “tàm chồl bal” sră nggal lơh gơbàn kal ke ai mpồl lơh sa kă bro in. Càr sồr ală sờh, gah broă, ală tiah tơnguh kơnòl broă cau lam bồ dê, lơh pràn tam gơl pa sră pơ àr gơnoar atbồ, tam gơl sồ, bơsong jơh tơn ală bơta kòl yan ai rlau 300 rơndăp broă lơh gam gơ kòl in.