Tơnơ̆ tŭ tơmŭt bal sră pơ àr gơnoar atbồ, càr Lâm Đồng gam lơh jat broă rơndăp wơl ù tiah ală mpồl lơh sa mờ măi, kơlôi sơnơng broă lời tĕ rơndăp ù tiah 6 mpồl lơh sa mờ măi mok; ntrờn 14 mpồl lơh sa mờ măi mok geh tàm rơndăp ù tiah mơya kal ke gơ hòi gơ jà bơcri priă tus pơlam gùng dà bơtàu tơnguh tơnơ̆ nam 2030. Mơkung bơtơl pa 15 mpồl lơh sa mờ măi mok mut tàm rơndăp ù tiah tơngai lơh broă bơh nam 2026- 2030. Bè hơ̆, tàm tơngai bơh nam 2026- 2030, càr Lâm Đồng rơndăp ù tiah 62 mpồl lơh sa mờ măi mok, lơh ơnàng rlau 2 rơbô 300 lồ.

Mò Cao Thị Thanh, Phó Kwang lam bồ Sờh Lơh sa mờ măi mok mờ Kă bro phan càr Lâm Đồng pà gĭt, nùs nhơm là tam gơl pa rơndăp ù tiah bơh tiah kal ke gơ hòi gơ jà bơcri priă tus tiah ƀuơn ngan nàng gơ hòi gơ jà bơcri priă. Den tàng, pơlam gùng dà tam gơl pa gùng dà broă lơh bơtàu tơnguh ală mpồl lơh sa mờ măi mok tàm ù tiah càr Lâm Đồng rơ̆p tơrgùm uă ngan tàm tiah rềp dà lềng, gơwèt càr Bình Thuận yau dê.