Tàm dơ̆ tìp mat, Thủ tướng ồng Phạm Minh Chính jờng rơ uă ngan ală lơh ngan mờ tă pơgồp jơh nùs bơh Kwang atbồ anih lơh broă ala mat lơgar Hàn Quốc dê tàm lơgar Việt Nam tàm broă pơgồp bal sơlơ tơnguh tai bơta gĭt gơ̆p đah 2 lơgar bơtàu tơnguh ngan ngồn, geh cồng nha tàm uă gah broă.Nàng pơn jat tai sơlơ tơnguh tai bơta gĭt gơ̆p Tam klăc lơh broă bal kwơ màng tơl làm, Thủ tướng sồr 2 gah sơlơ tơnguh tai priă lơh geh bơh kă bro phan mờ lơgar ndai gờñ lơh geh khà 100 tơmàn dolar Mỹ mờ wèt tus 150 tơmàn dolar Mỹ tàm nam 2030 jat gùng dà ring bal; pơn jờng mpồl lơh sa kă bro lơgar Hàn Quốc pờ ơnàng bơcri priă tàm ală gah ƀán zẫn, năng lượng lơh gơlik wơl...

Is ồn, tềng đăp bơta gơlik geh lơngăp lơngai kal ke tàm tiah Trung Đông, Thủ tướng sồr 2 lơgar lơh broă bal kràñ nàng kờñ drơng mờ ală bơta lòng tŭ do, is ồn là tàm broă gàr niam lơngăp lơngai năng lượng dà lơgar, gàr niam bơtàu tơnguh lơh sa mờ bè ờs wơl rài kis làng bol in.