Càr Lâm Đồng sền sơ wì tềl tơnggŏ prap xăng zờu nàng tơnguh giă
Thứ năm, 14:21, 02/04/2026
Cau mblàng: K'Duẩn/ VOV
Cau mblàng: K'Duẩn/ VOV
VOV.K’Ho – Tềng đap jơnau đơs bơh làng bol dê yal bè broă bàr pe hìu tac rah rài xăng zờu tàm sàh Tà Hine geh tềl tơnggŏ prap phan, ờ huan tac, lơh gơbàn bơta ờ tơl xăng zờu, Anih duh broă Làng bol càr Lâm Đồng neh sồr gah lơh broă geh gơnoar mhar sền sơ wì broă lơh kă bro xăng zờu tàm sàh do.
Anih duh broă Làng bol càr Lâm Đồng jàu Sờh lơh sa mờ măi mok mờ kă bro phan đơng lam, pơgồp bal mờ Kwang àng càr, Anih duh broă Làng bol sàh mờ ală anih lơh broă, mpồl lơh broă geh gơ rềng mhar lam lơh sền sơ wì gơ wèt mờ ală hìu tac rah rài xăng zờu tàm sàh Tà Hine; di tŭ lơh glài kràñ ală broă lơh tìs (dilah geh) jat gơnăp gơnoar mờ yal Anih duh broă Làng bol càr in lài mờ ngai 08/4 do.
Ồng Nguyễn Văn Khánh, Phó Kwang lam bồ Sờh Lơh sa mờ măi mok mờ kă bro phan càr Lâm Đồng pà git, lơh jat jơnau sồr lơh bơh Anih duh broă Làng bol càr dê, tàm ngai 01/4, Sờh neh lam lơh ală broă lơh pal geh sơlơ tơnguh tai broă lơh atbồ drà tac xăng zờu tàm sàh Tà Hine mờ bàr pe tiah geh tềl tơnggŏ prap phan, tơnguh giă.
Viết bình luận