VOV4.K’Ho- Mho ngai 23/01, tàm Hìu duh broă Đảng Dà lơgar sơnđờm lơh yŭ rơyùm pơrjum Mpồl Duh broă Đảng Dà lơgar khoă XIII. Tổng Ƀí thư ồng Tô Lâm đơng lam mờ geh jơnau cih đơs sơnđờm kwơmàng tàm pơrjum.

VOV4.K’Ho- Lài mờ tơngai Sa tềp bơhiàn Dà lơgar nam Ất Tỵ 2025, mpồl năc bơh càr Dăk Lăk lòt tus ală càr tàm tiah tàm gùl lơgar mờ tiah đah Tô Dà lơgar gam tơnguh uă nisơna, giă vĕ rơndeh kung neh gơguh rlau dồ dơ̆ mờ nggùl.

VOV4.K’Ho- Mho ngai 23/01, Thủ tướng ồng Phạm Minh Chính mờ pơ ùr bal mờ mpồl kwang bàng kấp dờng Cíñ phủ Việt Nam neh rê tus Hà Nội, tơn jơh niam bơnĕ ngan dơ̆ lòt còp ngan ngồn lơgar Ba Lan, Czech mờ tus bal Pơrjum pah nam dơ̆ 55 cribơyai Lơh sa Dunia Davos tàm Thụy Sĩ.

VOV4.K'Ho- Tàm ƀòn dờng Cần Thơ, Củ tịc Quốk hội ồng Trần Thanh Mẫn neh wă Củ tịc Quốk hội lơgar Congo ồng Vital Kamerhe.

VOV4.K'Ho- Di Satềp nam pa Ất Tỵ, drim òr (23/01), hơ̆ là ngai 24 nhai 12 jăt tơngai àng kơnhai, Mpồl kwang ala măt ală kwang bàng đơng lam, kwang đơng lam Đảng, Dà lơgar lài do bal mờ ală ƀộ, gah lơh broă Dà lơgar bal mờ ƀòn dờng Hà Nội tus pơdơng bơkào mờ mŭt tàm gơlang ƀồc ies Củ tịc Hồ Chí Minh.

VOV4.K'Ho- Tàm ală ngai do, ală broă lơh drơng gàr Satềp ai cau rơƀah in gam geh bơyai lơh uă tus tàm ală tiah gơtìp kal ke tàm càr Dăk Lăk dê. Mờ broă lơh ngan bơh ală mpồl lơh broă, cau dùl nă să bal mờ ală mpồl lơh broă mpồl bơtiàn, ală cau gơtìp kal ke, cau ờ pràn tàm càr Dăk Lăk neh geh sền gròi, drơng gàr niam bè phan bơna bal mờ nùs nhơm.

VOV4.K’Ho- Di dơ̆ wă rò nam pa Sa tềp bơhiàn yau nam Ất Tỵ 2025, Củ tịc lơgar ồng Lương Cường, Củ tịc Mpồl duh broă Sền gàr dà lơgar mờ Lơngăp lơngai, Ătbồ mpồl phàu crong làng bol neh còp, nting bơr chờ gờm Sa tềp Gah đơng lam Kảñ sát ntrờn làm bă tiah gơ wèt Ƀộ Kwang àng.

VOV4.K’Ho- Mho ngai 22/01, tàm Hà Nội, di dơ̆ bồ Kàl prang nam pa 2025, rơcăng wă rò nam pa Sa tềp bơhiàn yau dà lơgar dê nam Ất Tỵ mờ wèt tus tơngkah kir sơnrai 95 nam Ngai tơnggơs Đảng Kộng sản Việt Nam (03/02/1930- 03/02/2025) Tổng Ƀí thư ồng Tô Lâm neh tus còp hìu bơnhă mờ chu ñàng kah kơlôi ƀồc Tổng Ƀí thư ồng Nguyễn Phú Trọng.

VOV4.K’Ho- Di dơ̆ tus bal Pơrjum pah nam Cribơyai Lơh sa Dunia (WEF) dơ̆ 55, drim ngai 22/01, jăt jiơ tiah do dê, tàm Davos, lơgar Thụy Sĩ, Thủ tướng Cíñ phủ Việt Nam ồng Phạm Minh Chính neh wă Kwang Gơnoar cih dờng Mpồl Lơh broă bal mờ Bơtàu tơngguh lơh sa dunia (OECD) ồng Mathias Cormann.

VOV4.K’Ho- Mho ngai 22/01, tàm Hà Nội, Tổng Ƀí thư ồng Tô Lâm, Ƀí thư Anih duh broă đơng lam Đảng Ling klàng Dà lơgar tus còp mờ lơh broă tàm Gah đơng lam Mpồl ling sền gàr tiah nhàr lơgar.