Pà gĭt Việt Nam ai jơnau kờñ gơguh bơh 8,3 tus 8,5% tàm nam do mờ 2 nơm khà sồ tàm tơngai tus, Thủ tướng Cíñ phủ ồng Phạm Minh Chính sồr ală mpồl lơh sa kă bro ngui ală ù tiah gam ơnàng ngan bơh bơta gĭt gơ̆p lơh sa, kă bro, bơcri priă 2 lơgar dê; dong kờl Việt Nam gĭt mờ ală priă bơcri tàm ntrờn, priă tơlir; sơlơ tơnguh gah lơh gơlik cíp ƀán zẫn, năng lượng lơh gơlik wơl, hydrogen, bơtàu tơnguh broă lơh sa suơn sre ngui măi mok pa, lơh sa mờ măi mok dong kờl, phan bơna bơt bơtàu năng lượng.

Thủ tướng ồng Phạm Minh Chính sồr ală mpồl lơh sa kă bro Nhờk dong kờl mpồl lơh sa kă bro Việt Nam tus bal jrô tàm ală broă tăc phan, ală broă lơh gơlik phan gùt plai ù bơh ală mpồl lơh sa kă bro Nhờk dê, mơkung dong kờl tàm jàu măi mok, bơtàu tơnguh mpồl cau lơh broă chài, atbồ bơta ngăc ngar.