Pơrjum neh iat jơnau yal, jơnau dan bơh ală tiah dê tàm broă lam lơh kơnòl broă jơi bơtiàn, jat yàng tŭ lam lơh gơnoar atbồ ƀòn lơgar 2 kâp. 

Jat hơ̆, uă jơnau đơs sồr Ƀộ Jơi bơtiàn mờ Jat yàng mhar tă pơgồp jơnau đơs Cíñ phủ in tam gơl, bơ tơl ală broă lơh dong kờl gam geh lơh nàng gơ in dipal mờ gơnoar atbồ ƀòn lơgar 2 kâp, bè: Broă dong kờl gơ wèt mờ cau geh bơngă pin dờn tàm làng bol jơi bơtiàn dồ êt nă cau; broă lơh bơcri priă, gàr lơngăp lơngai rài kis mpồl bơtiàn ai tiah làng bol jơi bơtiàn dồ êt nă cau mờ tiah kơh bơnơm in; ai tơlik di tŭ ală sră nggal pơlam lơh jat mùl màl, ring bal, ndrờm bal nàng kờñ tă bơsong ală bơta gơ kòl gơlik geh tàm tŭ lam lơh jat ală kơrnuat boh lam gơ rềng tus broă lơh jơi bơtiàn mờ pin dờn, jat yàng.