Mờ jơnau đơs “Làng bol lơh tờm – Tam klăc – Duh rơngòt adăt boh lam – Tam gơl pràn  - Bơtàu tơngguh”, pơrjum dờng pơn jăt tai đơs nền nùs nhơm tam klăc, ring bal, khin cha, bồ tơngoh jak, kơ̆p kờñ jơh nùs, bơhiàn niam bơnĕ bơh Đảng ƀộ mờ mpồl phàu crong Ling tiah 9 dê tàm sùm 80 nam bơ̆t bơtàu, tam lơh mờ dờng pràn, dipal là mpồl tam lơh dòn song ngan, pin dờn ngan Đảng, Dà lơgar mờ Làng bol dê tàm broă lơh bơ̆t bơtàu mờ sền gàr dà lơgar kơ̆ kơljăp ù tiah dờng màng đah jum măt tơngai mŭt bơh Dà lơgar dê tàm rài pa.

Tàm tơngai lơh broă bơh nam 2025- 2030, Đảng ủy, Anih lơh broă đơng lam kâp dờng Ling tiah 9 dê gĭt nền ală broă jàu bè bơ̆t bơtàu mpồl phàu crong Ling tiah 9 pràn kơnhăp bè cíñ trị, lơh anih tờm tơngguh uă cồng nha tơrgùm bal mờ bơta gĭt wă, tơl pràn crăp rơcăng tam lơh; Tơngguh uă cồng nha kơlôi sơnơng, yal lài, tă pơgồp jơnau đơs kwơmàng mờ Anih duh broă đơng lam Đảng Ling klàng Dà lơgar in, Ƀộ Ling klàng in bè broă ling klàng, sền gàr dà lơgar, pal rơgeh, di, cồng nha, ờ gơtìp rơmơ̆p ndơl, nisơna.