VOV4.K'Ho- Tỉñ ủy càr Kon Tum jàu ală kâp ủy in kờp sền, lơh sir broă rơndap lơh rơndap cau lơh broă, hìu lơh broă, rơndeh rơndồ, phan bơna… gàr rơcang ai mpồl cau lơh broă sră pơ àr gơnoar atbồ kâp sàh lơh broă bơh ngai 01/7 tus do.

VOV4.K'Ho- Mho òr (16/06), tàm Hà Nội, Mpồl lơh kơnòl broă sùm Đảng ủy Mặt trận dà lơgar, ală mpồl bal dà lơgar, Mpồl duh broă sùm Anih duh broă Mặt trận dà lơgar Việt Nam bơyai lơh tìp mat ală anih sră ƀău di tơnkah 100 nam Ngai sră ƀăo kac màng Việt Nam (21/6).

VOV4.K’Ho- Jat tàm nùs nhơm lơh jat Jơnau lơh nền tàm Pơrjum bơh Dà lơgar dê bè broă tơmŭt bal 3 càr Lâm Đồng, Bình Thuận mờ Dăk Nông, pơrjum cribơyai pơlam gùng dà bơtàu tơnguh lơh sa- mpồl bơtiàn càr Lâm Đồng (pa) tơngai bơh nam 2026-2030 mờ ală nam pơn jat tai pa geh bơyai lơh. Dơ̆ cribơyai tơrgùm sền sơwì tơl làm bơta geh ngan, sền gĭt bơta ƀuơn bơta pràn, tŭ tơngai niam bơtàu tơnguh, đơs ală gùng dà pơlam kwơ màng mờ broă lơh geh ngan ngồn nàng kờñ rcang ală jơnau đơs tàm sră pơ àr mờ bơta ngan ngồn drơng broă lơh Sră nggal Pơrjum dờng cau ala mat Đảng ƀộ càr Lâm Đồng (pa) tơngai lơh broă bơh nam 2025-2030.

VOV4.K’Ho- Drim ngai 16/06, Tổng Ƀí thư ồng Tô Lâm lam bồ mpồl lơh broă Dà lơgar lơh broă mờ Mpồl Lơh kơnòl broă sùm Thàñ ủy ƀòn dờng Hà Nội bè broă lơh lam lơh Jơnau lơh nền tàm pơrjum, Jơnau đơs pơndŭt bơh Dà lơgar dê, bơyai lơh Pơrjum dờng Đảng ală kấp mờ rơndăp tăp sèng mpồl lơh broă.

VOV4.K’Ho- Drim ngai 16/06, pơn jat tai broă lơh pơrjum dơ̆ 9, Quôk hội khoă 15 neh ring bal Jơnau lơh nền tàm pơrjum, bơtơl bàr pe bơta bơh Sơnoa boh lam nam 2013 dê.

VOV4.K’Ho- Tàm gùng lòt tam gơl pa mờ bơtàu tơngguh bơh dà lơgar dê, mpồl đảng viên kơnòm să ngai sơlơ đơs nền gơnoar broă lam lài, lơh krơh tàm tơl broă bơh rài kis mpồl bơtiàn dê. Tàm càr Dăk Lăk, uă đảng viên kơnòm să ờ mìng lơh ngan bơsram tàp, lơh sir jak ngan kơnòl broă geh jàu mờ gam lơh gơrề uă nùs nhơm tă pơgồp dà kơlhề tài mpồl bơtiàn. Bơh ƀòn lơgar tus hìu bơsram, bơh anih lơh broă sră pơ àr gơnoar ătbồ tus tiah sar tiah ngài, khi là ală cau gam pơgồp bơnah lơh gơrề bơta niam kis, bè kơ̆p kờñ ngan bơ̆t bơtàu ƀòn tờm.

VOV4.K'Ho - Drim ngai 15/6, tàm Hìu lơh broă Quôk hội, Củ tịc Quôk hội ồng Trần Thanh Mẫn đơng lam dơ̆ tơm boh bơr di tơngkah kir sơnrai 100 nam Ngai sră ƀău kac màng Việt Nam mờ tơngume “Gùng dà, broă lơh ai bơtàu tơnguh sră ƀău kac màng Việt Nam in”.

VOV4.K'Ho- Broă lơh tơrgùm tàm ală tơngume bè rơndăp mpồl lơh broă gơnoar atbồ ƀòn lơgar 2 kấp, tơnguh uă cồng nha lơh broă bơh ală anih lơh broă cíñ trị tàm ƀòn lơgar.

VOV4.K’Ho- Tỉñ ủy càr Dăk Lăk pa ai lơh jat broă rơndăp lơh 290 bè lơh jat tơrlòng lài broă lơh rơndăp broă gơnoar atbồ kấp sàh.

VOV4.K'Ho- Tàm ƀòn dờng Buôn Ma Thuột, Mpồl Lòt nhơl càr Phú Yên mờ Mpồl lòt nhơl càr Dăk Lăk pơgồp bal bơyai lơh Pơrjum tơbŏ bal, lơh broă bal bơtàu tơnguh lòt nhơl mờ tơngu me “Tơrbŏ bal lòt nhơl dà lềng tơlir mờ tiah brê bơnơm dờng nàng bơtàu tơnguh kơl jăp”. Tàm pơrjum, 2 gah neh cri bơyai mờ ring bal uă tơngu me kwơ màng tàm broă tơbŏ bal lòt nhơl tŭ 2 càr tơrgùm bal.