VOV4.K’Ho- Ngai òr (08/06), Đảng ƀộ Anih duh broă Jơnau kơ̆p kờñ làng bol dê mờ Jat sền bơh Quôk hội bơyai lơh Pơrjum dờng dơ̆ 1, tơngai lơh broă bơh nam 2025–2030. Phó Củ tịc Quôk hội, Thượng tướng ồng Trần Quang Phương tus bal mờ đơng lam Pơrjum dờng.

VOV4.K'Ho - Tàm dar pơrjum bal dơ̆ 4 Anih Priă jền mờ Lơh sa tơlir bơyai lơh ngai 08/6 tàm lơgar Monaco, Thủ tướng ồng Phạm Minh Chính đơs nền, Việt Nam sùm là lơgar lơh broă bal pin dờn ngan, rơcang lòt bal mờ mpồl bơtiàn ală lơgar tàm broă lơh ngan sền gàr dà lềng dờng.

VOV4.K'Ho- Drim òr (08/06), tàm Hà Nội, Anih jơnau đơs Việt Nam (VOV) bơyai lơh tìp mat tơnkah 100 nam Ngai sră ƀău kac màng Việt Nam (21/6).

VOV4.K'Ho- Mpồl lơh kơnòl broă sùm Tỉñ ủy càr Dăk Lăk pa bơyai lơh Pơrjum Mpồl duh broă Đảng ƀộ càr dơ̆ 33 (rề ơnàng), cribơyai, ai jơnau đơs tàm ală tơngume rơcang ai Pơrjum dờng Đảng ƀộ càr dơ̆ XVIII, tơngai lơh broă bơh nam 2025 tus nam 2030.

VOV4.K'Ho- Lơh jăt pơlam gùng bơh Dà lơgar dê bè bơtàu tơnguh jak chài, măi mok mờ tam gơl sồ, ală càr tàm Tây Nguyên gam lơh ngan lam lơh uă broă lơh tơrlòng lài bơceh pa, di pal mờ mùl màl. Tàm càr Gia Lai, broă lơh “Làng bol bơsram nàng git sồ” neh geh lam lơh mờ jơnau kờñ yal jơnau git wă mờ bơta chài sồ tus tơl nă làng bol, tơl mpồl bơtiàn, tàm hơ̆ uă ngan là tàm tiah ngài. Tàm tŭ hơ̆, tàm càr Dăk lăk, tam gơl sồ geh lơh tàm ală dơ̆ lòt bơh rơndeh anih priă jền tus tơl ƀòn nàng dong kờl làng bol in git mờ ală broă lơh drơng ala; ală mpồl lơh broă bal den ngui măi mok tàm broă yal mờ tăc phan geh lơh.

VOV4.K’Ho- Drim ngai 05/06, tàm Hìu duh broă Đảng Dà lơgar bơh bơta đơng lam bơh Tổng Ƀí thư ồng Tô Lâm dê, Lam bồ Mpồl sồr lơh geh lơh dar pơrjum dơ̆ sơnrờp Mpồl sồr lơh Dà lơgar bè lơh sir adăt boh lam mờ kơrnoăt boh lam.

VOV4.K’Ho- Drim ngai 05/06, tàm Hìu duh broă Củ tịc, Củ tịc lơgar ồng Lương Cường đơng lam Pơrjum lơh broă mờ Tỉñ ủy càr Quảng Ninh bè broă lơh jăt Jơnau lơh nền tàm pơrjum bơh Pơrjum dơ̆ 11 Mpồl Duh broă Đảng Dà lơgar khoă XIII.

VOV4.K’Ho- Drim ngai 5/06, Thủ tướng ồng Phạm Minh Chính mờ pơ ùr bal mờ Mpồl kwang bàng kấp dờng lơgar Việt Nam neh tus càr lơgar Tallinn, sơnđờm lòt còp ngan ngồn lơgar Cộng hòa Estonia jat jơnau jà bơh Thủ tướng lơgar Estonia ồng Kriste Michal.

VOV4.K'Ho- Àng drim ngai do (05/06), Thủ tướng Cíñ phủ ồng Phạm Minh Chính bal mờ Pơ-ùr mờ Mpồl kwang bàng ala măt kấp dờng lơgar Việt Nam neh bơh Càr lơgar Hà Nội lòt gùng tus Pơrjum Dà lềng dờng Liên hợp quốk dơ̆ 3 (UNOC 3).

VOV4.K'Ho- Tàm ƀòn dờng Cần Thơ, Tổng Ƀí thư ồng Tô Lâm đơng lam dơ̆ lơh broă mờ Mpồl Lơh kơnòl broă sùm Thàñ ủy ƀòn dờng Cần Thơ mờ Duh broă sùm ală Tỉñ ủy càr Sóc Trăng mờ Hậu Giang bè bơta lam lơh jat ală Jơnau lơh nền tàm pơrjum, jơnau đơs pơndŭt bơh Dà lơgar dê.